Tuesday, December 24, 2013

கல்லான அகலிகை!

ஏன் யாரோ செய்த தவற்றிற்காக கல்லாக மாற சபிக்கப்பட்டாள் என்ற 
கேள்வியும் இந்தக்கதை என்ன சொல்ல விழைகிறது என்ற தேடலும் 
ராமாயணத்தை நினைக்கும்போதெல்லாம் எழாமலிருப்பதில்லை
பெண்கள் மீதான அடக்குமுறைக்கான ஏற்பாடு மட்டும்தானா  
இந்தக்கதைராமாயணம் மனைவியரின் மேல் ஆணுக்குள்ள உரிமையைஆளுமையை வெவ்வேறு வடிவங்களில் வெளிப்படுத்தியிருந்தாலும் 
இந்தக்கதை அதையும் மீறிய ஒன்றாகவே எனக்குத் தோன்றுகிறது.

மிகவும் நம்பப்பட்ட ஒருவரால்அல்லது ஒரு விஷயத்தில் ஏமாற்றப்படும்போது மனதின் அடி ஆழத்தில் ஏதோ ஒன்று முறிந்துபோகிறதுவாழ்வின் இனியவிஷயங்களை ரசிப்பது - ரசிப்பது என்ன - உணர்வது கூட 
இயலாமல் போகிறதுவழக்கமாக பாடலொன்றை முணுமுணுத்துக்-கொண்டு ரசனையுடன் செய்யப்படும் வேலைகள் கூடசெய்யவேண்டிய 
கடமைகளில் ஒன்றாகிப்போகிறதுகைகளும் கால்களும் இயந்திரம் போல வேலை பார்க்க மனமோ வேறெங்கோ சஞ்சரிக்கும் நிலை ஏற்படுகிறது.
எனக்கென்னவோ கல்லாதல் என்பது இதுதான் என்றே தோன்றுகிறது
அகலிகை இந்திரனால் கல்லானாளா அல்லது தன்னை நம்பமுடியாத 
கௌதமரைத் தான் நம்பிய வேதனையால் கல்லானாளா என்பது அவள் 
மட்டுமே அறிந்திருப்பாள்வாழ்வின் அனைத்து தளங்களிலும் 
கல்லாயிருந்தாளா அல்லது கௌதமருக்கு மட்டும் கல்லாயிருந்தாளா 
என்பதும் அவள் மட்டுமே அறிந்திருப்பாள்!

நிகழ்காலத்தில் வாழமுடியாமல் கடந்த காலத்தின் சுமையால் உணர்வைத் தொலைத்த அனைவரும் கல்லாய்ப்போனவர்களேநேற்று நம்மில் 
விட்டுச்சென்ற குப்பையைஏமாற்றப்பட்ட வலியைநியாயமான 
கோபத்தின் காரணமாக நமக்கு நாமே இட்டுக்கொண்ட விலங்கைக்  களையும் வலிமைஏதோ ஒரு அற்புததருணத்தில் நமக்குக்கிடைக்கிறதுபிறர் வலியை உணரும்போதோநல்லாசிரியர் வழிகாட்டுதலின்பேரிலோ கல் 
உடைந்துமறைந்திருந்த மனிதம் வெளிவருகிறதுஅகலிகைக்கும் 
அதுதான் நிகழ்ந்திருக்கக்கூடும்தன் வலியை விட ராமனின் வலி அதிகமாகத் தெரிந்திருக்கலாம்அல்லது ராமன் தன்  வலியை மறப்பதற்கு உபயோகித்த உத்திகளைக் கற்றுக்கொடுத்திருக்கலாம்தாய்க்குச்சமமாகக் கருதிய கைகேயியால் ராமன் ஏமாற்றப்படுவான் என்று அவள் உணர்ந்திருக்கலாம்அல்லது ராமன் சீதையை நம்பாமல் விளைவிக்கவிருக்கும் துயரைவிட கௌதமர் தன்னை நம்பாமல் போன வலி குறைவாய்த்தெரிந்திருக்கலாம்!


நம்மைச் சுற்றி எத்தனை அகலிகைகள்நம்முள் எத்தனை அகலிகைகள்
கல்லுடைக்க ராமன் வரும் நாள் எந்நாளோ!

No comments: